«أناني.. ووقفوني بسبب الانتخابات».. نجم الأهلي السابق يفتح النار على الخطيب

شن مصطفى يونس، نجم النادي الأهلي السابق، هجومًا شرسًا على محمود الخطيب رئيس النادي الأهلي، مشيرًا إلى «أنه أناني» (حسب وصفه).

وقال مصطفى يونس خلال حوار في بودكاست «ملعبنا»: «قولت للخطيب قبل كدة مش هشتغل في النادي الأهلي عشان أنتوا بتقولوا إني بنتقد عشان مش بشتغلوني، بس في المقابل هكون مرايتك وهقولك نصيحتي وإنت تاخد بيها أو لأ، ووافقني وقالي هنرجه الفرقة ولكن كل ده محصلش».

وأضاف: «الخطيب أناني وبيحب نفسه زيادة، وبيلغي قرارات الكل حتى لو أفضل منه، صاحب القرار الأول في النادي الأهلي هو محمود الخطيب، مفيش لا لجنة تخطيط ولا تخبيط».

وواصل: «ييس توروب كان بيقول إن في ناس بيتدخلوا في تشكيل الأهلي، ولكن الحقيقة معرفش الخطيب ولا مين».

المصدر: المصرى اليوم رياضة